Ngene critane,

Jan-jane, isuk mau mbarengi peserta Sagusabu Kelas Semarang aku wes nulis lumayan akeh. Ya sekira ring lembar A4. Ning apes, aku lali sakplengan. Aku langsung nulis neng Gurusiana. WA-ku yo lagi on. Ngadepi tulisanku rampung ono pesen WA mlebu. Saklebatan iku teka priyayi seng takajeni banget.

"Wah mengko gek penting," batinku.

Kebat anggonku mbuka WA. Aku sembrono. Gurusianaku langsung ketutup. Ciloko.

Lha bener tho. Pas aku mbalik maneh, draft tulisanku wes ilang. Durung kesimpen. Jian kojur tenan aku. Yo wes lah aku pasrah. Ora mungkin mbaleni nulis pas lagi ngajar. Lha mau kan aku nulis mbarengi kanca-kanca peserta lagi nulis bebas nganggo jurus mabuk.

Njur terus piye? Yo ora piye-piye. Ra oleh nyerah tho. Dino iki yo kudu tetep nulis ketimbang kudu her, mbaleni ko dina kapisan. Remidi kok didadekne hobi. Wah jan ora berkelas iki. Trainer cap opo aku iki, batinku ngresula.

Akhire demi tidak remidi, ben ora merendahkan harga dan martabat trainer MG, halah mbuh. Neng ndhuwur bis bandara nuju Terminal Purabaya aku nulis cerita Iki. Ning yo ngono basa Jawaku pating pechotot. Jawa standar Solo ora pokro, cara Malangan kanthi osob kiwalane seng moncer ya ora. Basa Jawa gaya Blitar ya wes ambyar. Wes ta lah, aku dewe ya bingung jan-jane basa Jawa seng endi seng tak gawe. Wes semene wae babagan basa Jawa.

Sejatine aku mung arep cerita bab lehku sarapan neng Semarang isuk mau. Ning sek, ojok kesusu suuzan. Aku ora pamer. Blass ora. Masiya asli wong ndesa isin aku yen pamer soal panganan. Mbesok-besok wae yen aku wes nduwe Ferrari opo Lamborghini tak pameri ya. Lek aku lali, ya elingno. Eman.

Sarapanku isuk maeng ki jian mantep. Lek nyilih istilahe bocah-bocah milenial ki mantul, mantap betul. Ngono kui njur Bu Dwi Sujarwati ngongkon putrine Kon moto aku. Cekrik! Eh salah, aku nggaya sek no. Ben kethok ayu. Aku njur mamerke pangananku nganggo garpu. Eh, Bu Reni, kanca panitia Sagusabu Semarang njur alok ngene.

"Bu karo ngomong ngene lho Bu, 'Inyong kencot kiye, sarapan munthul."

Aku nggegek krungu basa inyong-inyongan iki. Lucu. Opo maneh krungu jenenge panganan seng tak cekel. Munthul! Biyun blass gak elit. Ning piye maneh. Rasane uenak. Ki panganan karemanku.

Ning jenenge ki lho. Cek lucune, Ker. Munthul!

Jane panganan opo se iku? Mosok jare Mbak Pipit Puji Astutik seng takpangan ati ayam. Mentah sisan. Jian sadisme kliwatan. Beda maneh karo Mbak Yuli seng ngira jare seng tak pangan buah naga. Jian nggladrah. Naga tekan ngendi kelir ungu ki.

Terus seng bener munthul ki opo? Jo kaget ya takkandhani. Munthul ki tela ungu. Ubi jalar warna ungu. Ngerti?

Wes semene wae ceritaku. Ra sa ngguyu. Luweh becik nggo mikir, apa seh isa ngomong lan nulis ngangga basa Jawa kanthi bener?